Հոլիվուդյան ռեժիսոր Քվենթին Տարանտինոն մտադրվել է նկարահանել «Սպանել Բիլին» դիլոգիայի շարունակությունը: Իր պլանների մասին կինեմատոգրաֆիստը պատմել է ռադիոշոուի ժամանակ, որից հատված է հրապարակվել YouTube-ում։
Ռեժիսորը հայտարարել է, որ երրորդ մասով կզբաղվի երեք տարուց ոչ շուտ, եւ ֆիլմը կտարբերվի նախորդներից: «Ես չէի ցանկանա պարզապես որեւիցե անհեթեթ արկած նկարահանել: Նա (հարսնացուն Ումա Թուրմանի կատարմամբ) պարզապես արժանի չէ դրան»,- ընդգծել է նա:
«Հարսնացուն երկար ու համառորեն մարտնչել է: Այս անգամ ես գաղափար ունեմ, որն իրականացնելը, գուցե, իրոք հետաքրքրական լինի»,- հավելել է Տարանտինոն:
2016 թվականին ռեժիսորը պնդում էր, թե պլանավորում է կանգ առնել տասը կինոժապավենների նշագծին՝ ընդգծելով, որ «Սպանել Բիլին» դիլոգիան մեկ կինոնկար է համարվում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
