Բաղադրիչներ

  • Հիմքի համար՝
  • թխվածքաբլիթ - 300 գ
  • կարագ - 100 գ
  • ընկույզ - 60 գ
  • Կարամելացված խնձորների համար՝
  • խնձոր - 7 հատ
  • կարագ - 100 գ
  • շաքարավազ - 160 գ
  • սերուցք 30-35% յուղայնությամբ - 150 մլ
  • Ինչպես նաև՝
  • պանիր մասկարպոնե - 225 գ
  • շաքարավազ - 112 գ
  • ձու - 2 հատ
  • թթվասեր - 225 գ
  • Կարամելային սոուսի համար՝
  • շաքարավազ - 250 գ
  • կարագ - 70 գ
  • սերուցք 30-35% յուղայնությամբ - 190 մլ

Պատրաստման եղանակը

Մասկարպոնեն ու շաքարավազը հարիչի թույլ արագությամբ հարում ենք և հերթով ավելացնում ձվերն ու թթվասերը:
Պատրաստում ենք հիմքը: Թխվածքաբլիթն ու ընկույզը բլենդերով մանրացնում ենք, ավելացնում ենք հալեցրած կարագը և խառնում, որպեսզի ստացվի փխրուն խմոր:
cheescake-karamelacvac-xndzorov-1
Պատրաստում ենք կարամելացված խնձորները: Կարագն ու շաքարավազը խառնում ենք և լավ եռացնում: Խնձորները մաքրում ենք, միջուկը հանում ու 6 մմ հաստությամբ շերտիկներ կտրատում: Այնուհետև լցնում ենք թավայի մեջ ու եփում այնքան, մինչև հեղուկը գոլորշիանա: Սերուցքը հասցնում ենք եռման: Երբ խնձորները պատվում են կարամելով, տաք սերուցքը լցնում ենք վրան ու խառնում: Թողնում ենք սենյակային ջերմաստիճանում, որպեսզի հովանան:
Հիմքի խմորը լցնում ենք ձևամանի մեջ և լավ սեղմում: Եթե ձևամանը բացվող է, պետք է հատակը փայլաթիթեղով լավ փաթաթել: Փխրուն հիմքի վրա լցնում ենք խնձորները, վրան տարածում պանրային զանգվածը: Թխում ենք գոլորշու վրա, 40 րոպե 175 աստիճան տաքացրած ջեռոցում: Թխված չիզքեյքի կենտրոնը թեթևակի պետք է թրթռա:
cheescake-karamelacvac-xndzorov-222
Պատրաստում ենք կարամելային սոուսը: Շաքարավազը լցնում ենք կաթսայի մեջ, դնում կրակին: Փայտյա թիակով խառնում ենք, մինչև շաքարավազը հալչի ու դառնա ոսկեգույն: Հալեցրած կարագը լցնում ենք շաքարավազի մեջ: Երբ խառնուրդը սկսում է խտանալ, լցնում ենք տաք սերուցքը: Կարամելը մի քիչ տաքացնում ենք, հովացնում մինչև 45-50 աստիճան ու լցնում չիզքեյքի վրա: Բարակ շերտով հավասարեցնում ենք, որպեսզի ստացվի ջնարակ, ոչ թե հաստ շերտ: 30 րոպե թողնում ենք սենյակային ջերմաստիճանում, որպեսզի հովանա, ինչից հետո ողջ գիշեր պահում ենք սառնարանում:
Ահա և վերջ:
cheescake-karamelacvac-xndzorov-3

Իսկ այս անգամ ստացանք նուրբ ու համեղ խնձորով չիզքեյք։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել