Բաղադրիչներ

  • Խմորի համար՝
  • ձու - 6 հատ
  • շաքարավազ - 150 գ
  • կակաո - 50 գ
  • կարագ - ձևամանին քսելու համար
  • Կրեմի համար՝
  • շոկոլադ սև - 200 գ
  • սերուցք՝ 30-35% յուղայնությամբ - 200 մլ

Պատրաստման եղանակը

Պատրաստում ենք շոկոլադե հիմքը: Ձվի սպիտակուցներն ու դեղնուցներն առանձնացնում ենք: Սպիտակուցները 75 գ շաքարավազի հետ լավ հարում ենք: Այնուհետև լավ հարում ենք դեղնուցներն ու մնացած շաքարավազը: Դեղնուցային զանգվածի մեջ լցնում ենք կակաոն և կրկին հարում: Այնուհետև կամաց-կամաց ավելացնում ենք սպիտակուցային զանգվածը: Ձևամանը կարագապատում ենք, հիմքը լցնում ենք յուղաթղթապատ ձևամանի մեջ և թխում նախօրոք 180 աստիճան տաքացրած ջեռոցում 30 րոպե:
shokolade-tort-aranc-alyuri
Պատրաստում ենք շոկոլադե կրեմը: Սերուցքը դնում ենք մարմանդ կրակին և եռացնում: Այնուհետև վերցնում ենք կրակի վրայից և սերուցքի մեջ ավելացնում ենք շոկոլադը: Խառնում ենք այնքան, մինչև ստանանք համասեռ զանգված:
Հիմքը 2 հավասար մասերի ենք բաժանում, առաջին շերտին կրեմ ենք քսում, դնում ենք երկրորդ շերտը և ամբողջ տորթը կրեմապատում ենք:
Տորթը 1 ժամով տեղափոխում ենք սառնարան:
shokolade-tort-aranc-alyuri
Վայելում ենք:
shokolade-tort-aranc-alyuri

Իսկ Դուք փորձե՞լ եք առանց ալյուրի շոկոլադե տորթ պատրաստել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել