Ermenihaber.am-ը գրում է․
Իրաքյան Քուրդիստանի նախկին ղեկավար Մասութ Բարզանին Ռուսաստանի արտգործնախարար Սերգեյ Լավրովից խնդրել է պաշտպանել Սիրիայի քրդերին, քանի որ Թուրքիան ծրագրում է նոր ռազմական գործողություն սկսել նրանց դեմ Սիրիայում:
Այդ մասին հայտնում է քրդական «Rudaw» լրատվամիջոցը։ Ըստ տեղեկությունների՝ Բարզանին խնդրել է Ռուսաստանից «զգալի դեր խաղալ քուրդ ժողովրդի տառապանքը կանխելու հարցում»։
Լավրովը մեկնել է Իրաքյան Քուրդիստան, որտեղ հանդիպումներ է ունեցել, թե՛ Մասութ Բարզանիի և թե ներկայիս ղեկավար Նեչիրվան Բարզանիի հետ։
Նեչիրվան Բարզանիի գրասենյակից հայտնել են, որ Լավրովի հետ քննարկվել են տարածաշրջանային մի շարք խնդիրներ։
Ավելի վաղ Մասութ Բարզանին Twitter-ի իր էջում մտահոգություն էր հայտնել Թուրքիայի կողմից Սիրիայի տարածքում նախաձեռնվող նոր ռազմական գործողության կապակցությամբ:
