168.am-ը գրում է.
Երևանի պետական բժշկական համալսարանի ռեկտոր Արմեն Մուրադյանը դատի է տվել Առողջապահության նախարար Արսեն Թորոսյանին։
Դատական հայցը Մուրադյանը ներկայացրել է երեկ՝ հոկտեմբերի 2-ին, և առողջապահության նախարարից պահանջում է զրպարտչական արտահայտությունների հերքում և պատճառված վնասի հատուցում։
Գործը մակագրվել է Երևանի քաղաքի դատարանի դատավոր Գրիգոր Վարդանյանին։
Հիշեցնենք, որ Առողջապահության նախարար Արսեն Թորոսյանը ֆեյսբուքյան ուղիղ եթերով հայտարարել էր, որ իր դեմ արշավն ուղղորդում է Արմեն Մուրադյանը. «Այս թատերականացված միջոցառումները Գևորգ Թամամյանի անձնական նախաձեռնությունը չեն, այլ կազմակերպել է Արմեն Մուրադյանը, ով իր պաշտոնը նվեր էր ստացել նախկին իշխանություններից, և սարսափած է, որ այս իշխանությունների օրոք կարող է կորցնել պաշտոնը»:
Արմեն Մուրադյանն էլ նախարարին ի պատասխան՝ Թորոսյանին մեղադրեց ստախոսության մեջ։
