Ermenihaber.am-ը գրում է․
Թուրքիայի գանձապետարանի և ֆինանսների նախարարությունը տվյալներ է հրապարակել երկրի համախառն արտաքին և մաքուր արտաքին պարտքերի վերաբերյալ:
2019թ. հունիսի 30-ի դրությամբ Թուրքիայի համախառն արտաքին պարտքը հաշվարկվել է 446.9 մլրդ դոլար, իսկ մաքուր արտաքին պարտքը՝ 268.3 մլրդ դոլար:
3 ամսվա ընթացքում Թուրքիայի արտաքին պարտքը 6 միլիարդով նվազել է, սակայն արտաքին պարտքի հարաբերակցությունն ազգային եկամտի նկատմամբ աճ է գրանցել:
Ըստ նախարարության տվյալների` Թուրքիայի համախառն արտաքին պարտքի հարաբերակցությունն ազգային եկամտի նկատմամբ կազմում է 61.9%, իսկ մաքուր արտաքին պարտքի հարաբերակցությունը ազգային եկամտի նկատմամբ` 37.2 %:
Նշվում է, որ արտաքին պարտքը տարվա առաջին քառորդին կազմել է 453.4 մլրդ դոլար: Ինչ վերաբերում է ազգային եկամտի նկատմամբ պարտքի հարաբերակցությանը, ապա այն 60.6 % էր:
