ԱՄՆ-ն իրանական լցանավը պատժամիջոցների ցուցակում է ներառել

ԱՄՆ-ն պատժամիջոցների ցուցակում է ներառել Adrian Darya իրանական լցանավը։ Այս մասին հաղորդում է «ՌԻԱ Նովոստի»-ն՝ վկայակոչելով ԱՄՆ ֆինանսների նախարարությունը։

Նշվում է, որ տվյալ լցանավը վերջերս է ազատ արձակվել Ջիբրալթարից և Լիբանան ուղևորվել։

Հստակեցվում է, որ ԱՄՆ ֆինանսների նախարարության արտասահմանյան ակտիվների վերահսկողության վարչությունը որոշել է լցանավի նկատմամբ գործողություններ ձեռնարկել, որն Իրանից 2․1 մլն բարել նավթ է տեղափոխում։

Գերատեսչության հայտարարության համաձայն՝ դրանից օգուտ է քաղում «Էլ Քուդս»-ը՝ Իսլամական հեղափոխության պահապանների զորամիավորումը։

Նշվում է նաև, որ պատժամիջոցների ցուցակում է ներառվել նավի նավապետը ևս։