Yerkir.am-ը գրում է.

BBC-ն իր հոդվածում որևէ փաստաթուղթ չի ներկայացրել, այլ հղում է կատարել ձեռք բերված տվյալներին . այս մասին այսօր լրագրողների հետ ճեպազրույցում ասաց ՀՀ փոխվարչապետ Տիգրան Ավինյանն` անդրադառնալով «Մարտի մեկի» գործի վերաբերյալ BBC-ի ռուսական ծառայության հրապարակած աղմկահարույց հոդվածին։

Նա մանրամասնեց.  «Ես չեմ կարող որևէ կերպ սա մեկնաբանել, քանի որ, փաստացի, որևէ փաստաթուղթ BBC–ն չի ներկայացնում, այլ հղում է կատարում այն տվյալներին, որը որ ստացել է ենթադրաբար ՀՔԾ–ից, թե որքանով է այն համապատասխանում իրականությանը, ես չեմ կարող ասել»,– հայտարարեց փոխվարչապետն ու նշեց, որ ճիշտ կլինի մնացած բոլոր հարցերով դիմել իրավապահներին։

Հիշեցնենք, որ օգսոստոսի 7–ին  BBC-ի ռուսական ծառայությունը հոդված էր հրապարակել 2008թ․ Հայաստանում հետընտրական իրադարձությունների և Մարտի 1-ի դեպքերի մասին։ Բրիտանական հեղինակավոր լրատվամիջոցը գրել էր, որ հետաքննության նյութերին ծանոթանալու բացառիկ հնարավորություն է ստացել: BBC–ի ձեռք բերած փասթաթղթերի համաձայն՝  Մարտի 1-ի իրադարձությունների ժամանակ ցուցարարների վրա կրակել է  Ղարաբաղից բերված խումբը՝ գեներալ Սամվել Կարապետյանի (Օգանովսկի) ղեկավարությամբ։

Հավելենք նաև, որ Սամվել Կարապետյանը Մարտի մեկին  Սահմանադրական կարգը տապալելու  գործով ունի վկայի դատավարական կարգավիճակ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել