Բաղադրիչներ
- Խմորի համար՝
- ալյուր - 220 գր
- ձու - 2 հատ
- շաքարավազ - 240 գր
- կակաոյի փոշի - 60 գր
- կաթ - 170 մլ
- կարագ - 90 գր
- ջուր - 170 մլ
- սոդա - 2 թ/գ
- փխրեցուցիչ - 2 թ/գ
- Կրեմի համար՝
- կարագ - 200 գր
- շաքարի փոշի - 130 գր
- պանիր սերուցքային - 550 գր
- թխվածքաբլիթ - 6-7 հատ
Պատրաստման եղանակ
Այնուհետև ավելացնում ենք 120 գր շաքարավազն ու խառնում ենք։
Ավելացնում ենք 1 ձու, 85 մլ կաթը, ապա հարում ենք հարիչով, սակայն շատ ցածր արագությամբ՝ վերածելով միասեռ զանգվածի։
Ստացված զանգվածին ավելացնում ենք 85 մլ եռացրած ջուրը, ապա խառնում ենք ու լցնում յուղաթղթապատ ձևամանի մեջ։ Եփում ենք 35 րոպե 175 աստիճան տաքացրած ջեռոցում։
Նույն ձևով ու չափաբաժնով պատրաստում ենք տորթի երկրորդ խմորաշերտը։
Պատրաստ լինելուց հետո երկու խմորաշերտերն էլ իրենց հերթին բաժանում ենք երկու մասի՝ ստանալով 4 շերտ։
Պատրաստում ենք կրեմը, որի համար անհրաժեշտ փափկած կարագն ու շաքարի փոշին հարում ենք այնքան, մինչև ստացվի սպիտակ ու պինդ զանգված։
Այնուհետև կամաց-կամաց ավելացնում ենք լավ սառած սերուցքային պանիրը և շարունակում ենք հարել։ Կրեմի ¼ մասն առանձնացնում ենք, իսկ մյուս մասին ավելացնում ենք մանրացրած թխվածքաբլիթներն ու խառնում ենք։
Բոլոր խմորաշերտերը պատում ենք կրեմով, սակայն վերին շերտն ու կողային հատվածները պատում ենք առանձնացրած կրեմով։
Տորթը զարդարում ենք մնացած կրեմով ու թխվածքաբլիթներով։
Ահա պատրաստ է մեր համեղ, գեղեցիկ ու տոնական տորթը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
