Մեծ Բրիտանիայում 10 տարվա բանտարկության է դատապարտվել իրավաբանը, որն իրեն մեղավոր է ճանաչել 150-ից ավելի երեխայի պղծելու մեջ, հայտնում է The Guardian-ը:
29-ամյա Օուեն Թոմասի թիրախում էին հայտնվել 9-16 տարեկան երեխաները, որոնց նա գտնում էր համացանցով: Սկզբում նա վճարում էր համացանցում նրանց խաղերի համար, այնուհետև պահանջում էր առցանց ռեժիմում կատարել սեքսուալ բնույթի գործողություններ:
Թոմասն օգտագործում էր Facebook-ը, որտեղ ծանոթանում էր տղաների և աղջիկների հետ՝ երբեմն երեխա ձևանալով:
Նա ձերբակալվել է անցյալ տարվա նոյեմբերի 17-ին, երբ մոտեցել է երկու 7-ամյա տղաների և խնդրել իրեն ցույց տալ իրենց առնանդամը: Նա իր հեռախոսով նրանց ցույց է տվել նաև պոռնոգրաֆիական լուսանկարներ: Տղաները հրաժարվել են, իսկ ավելի ուշ գանգատվել ծնողներին:
Խուզարկության արդյունքում ոստիկանները Թոմասի համակարգչում հայտնաբերել են Մեծ Բրիտանիայից և ԱՄՆ-ից ավելի քան 150 երեխաների պոռնոգրաֆիական լուսանկարներ: 146 երեխայի անձն արդեն պարզվել է:
Թոմասը խոստովանել է սեքսուալ բնույթի հանցագործություն կատարելու 158 դեպք՝ ներառյալ երեխաներին սեքսուալ գործողություններ կատարելուն դրդելը և մանկական պոռնոգրաֆիայի տարածումը: