Shantnews.am-ը գրում է.
Հունիսի վերջին Մոսկվայում Ադրբեջանի և Ռուսաստանի երկաթուղիների ներկայացուցիչների միջև տեղի ունեցած հանդիպմանը կողմերը քննարկել են Չինաստանից, Ճապոնիայից և Հարավային Կորեայից Անդրսիբիրյան երկաթուղիով Ադրբեջան, ապա՝ Բաքու-Թբիլիսի-Կարս երկաթգծով Թուրքիա ապրանքների տարացիկ փոխադրման հարցեր:
«Սպուտնիկ Ադրբեջանի» հաղորդմամբ՝ Բաքու-Թբիլիսի-Կարս երկաթուղային նախագիծն էլ ավելի մեծ թափ կստանա, եթե Ռուսաստանն իրականացնի Անդրսիբիրյան երկաթուղիով Ադրբեջան ապրանքների փոխադրման ծրագիրը, որոշ չափով կարդարացնի նաև շահագրգռված կողմերի սպասումները: Այլ կերպ ասած՝ ռուսական երկաթուղու նախագծի իրականացումը կարող է դառնալ ճանապարհի արդյունավետության բարձրացման «փրկօղակ», նպաստել Կարս-Ախալքալաքի մասնաճյուղի կառուցմանը և շահույթ բերել ներդրված գումարների դիմաց:
Ադրբեջանի երկաթուղիների մամլո ծառայության հաղորդմամբ՝ Մոսկվայում կայացած հանդիպմանը քննարկվել են նաև Բաքու-Թբիլիսի-Կարս երկաթուղու բեռնափոխադրման մեխանիզմներն, ինչպես նաև բեռնափոխադրումների ծավալները:
