Ղեկավարվելով «Դիվանագիտական ծառայության մասին» Հայաստանի Հանրապետության օրենքի 16-րդ հոդվածի 1-ին մասով` վարչապետ Նիկոլ Փաշինյանը ստորագրել է որոշում, ըստ որի՝ Կարեն Միրզոյանը նշանակվել է հատուկ հանձնարարություններով դեսպան:
Այս մասին տեղեկացնում է Կառավարության լրատվական ծառայությունը:
Հիշեցնենք, որ Կարեն Միրզոյանը Արցախի նախկին ԱԳ նախարարն է:
Ստորև ներկայացնում ենք դեսպանի կենսագրոթյունը.
1981-1989 թթ. - Երևանի պետական համալսարանի արևելագիտության ֆակուլտետ։
1990-1993 թթ. - ՀՀ Գիտությունների ազգային ակադեմիայի արևելագիտության ինստիտուտ՝ ասպիրանտուրա։
1993-1996 թթ. - ՀՀ ԱԳՆ, Քաղաքական ծրագրավորման ու Մերձավոր և Միջին Արևելքի երկրների վարչությունների պաշտոնավար։
1984-1986 թթ. ծառայել է ԽՍՀՄ զինված ուժերում։
1996-1997 թթ. - Մերձավոր և Միջին Արևելքի երկրների վարչության Թուրքիայի բաժնի վարիչ։
1997-2001 թթ. - ԼՂՀ ԱԳՆ համակարգ, ԼՂՀ մշտական ներկայացուցիչը Հայաստանի Հանրապետությունում։
2002-2005 թթ. - ՀՀ ԱԳՆ համակարգ, ՀՀ ԱԳՆ Մերձավոր և Միջին Արևելքի երկրների վարչության ղեկավար։
2005-2010 թթ. - ՀՀ մշտական ներկայացուցիչ Սևծովյան տնտեսական համագործակցության կազմակերպությունում։
2010-2012 թթ. - ՀՀ ԱԳՆ Սահմանակից երկրների վարչության պետ։
2012 թ. սեպտեմբերի 22-ին ԼՂՀ նախագահի հրամանագրով նշանակվել է ԼՂՀ արտաքին գործերի նախարար:
2018 թ. հունվարի 8-ին նշանակվել է ՀՀ ԱԳ նախարարի խորհրդական:
Ունի արտակարգ և լիազոր դեսպանի դիվանագիտական աստիճան։