Շոկոլադե երշիկ պիստակով

Թխվածքաբլիթը մեծ կտորների ենք բաժանում և պիստակի հետ խառնում։

Սերուցքը շաքարավազի և կարագի հետ լցնում ենք կաթսայի մեջ, դնում ենք կրակին և հասցնում եռման աստիճանի։
Շոկոլադը մանրացնում ենք։

Այնուհետև շոկոլադը լցնում ենք սերուցքա-կարագային զանգվածի մեջ և խառնում ենք մինչև ամբողջությամբ լուծվի։ Ավելացնում ենք կակաոն ու ռոմը։ Թխվածքաբլիթն ու շոկոլադային զանգվածը խառնում ենք իրար։

Թողնում ենք մի քիչ սառչի։ Այնուհետև լցնում ենք յուղաթղթի վրա և գլանի տեսք ենք տալիս։

Յուղաթղթի մեջ փաթաթում ենք` վերջնականապես երշիկի տեսք տալով։

Տեղափոխում ենք սառնարանը, որպեսզի ամբողջությամբ սառչի։ Սառած երշիկի վրա շաքարի փոշի ենք ցանում, կտրատում ենք և մատուցում։
Մնացած երշիկը պահում ենք սառնարանում։