Հունիսի մեկին երգչուհի Օլգա Այվազյանն, իր ֆեյսբուքյան էջում տեղադրելով իր երեխայի ոչ ամբողջական լուսանկարը, գրել էր. «Իմ աշխարհ, թող անհոգ ու առողջ մանկություն ունենաս և ամենակարևորը՝ լավ մարդ դառնաս: Մենք քեզ շատ ենք սիրում: Շնորհավոր բոլոր մանուկների տոնը, երջանիկ և անհոգ մանկություն բոլորին»:
Պարզվում է՝ երգչուհին ամուսնացել է, և արդեն մեկ տարի է՝ վայելում է մայրիկի կարգավիճակը. «Ես և ամուսինս պարզապես չէինք ցանկանում ժամանակից շուտ լուսաբանել ծնողներ դառնալու փաստը: Առհասարակ, ամուսինս չի սիրում, որ անձնականս լուսաբանում եմ․ դա էր պատճառը, որ ցույց չէինք տալիս փոքրիկին: Մինչև մեկ տարեկանը մենք չէին ցանկանում երեխայի լուսանկարը տեղադրել, շուտով երեխայի նկարն էլ կտեղադրենք»,-BlogNews.am-ի հետ զրույցում նշում է երգչուհին։
Օլգան նշեց, որ որդի է ունեցել, ում էլ ամուսնու ցանկությամբ անվանակոչել են Ռոմա: Ինչ վերաբերում է ամուսնությանը, երգչուհին հակիրճ պատասխանեց. «Իմ մտերիմները, հարազատներն իհարկե գիտեին ամուսնությանս մասին, բայց հանրությունը՝ ոչ»:
Նյութը՝ Սիրանուշ Գրիգորյանի
