Դժվար է գտնել մեկին, ով անտարբեր է բանանի նկատմամբ, սակայն, բացի հրաշալի համից, այս միրգը նաև շատ օգտակար է։
Բանանը հարուստ է C, E, ինչպես նաև B6 վիտամինով, որը կարգավորում է արյան մեջ գլյուկոզայի մակարդակը և հանգստացնում է նյարդային համակարգը։ Բանանն օգտակար է նար կալիումի պակասի դեպքում։ Չնայած իր օգտակար հատկություններին՝ բժիշկները խորհուրդ չեն տալիս օրական երկու բանանից ավել ուտել։ Բայց նույնիսկ երկու բանանն էլ մեծ օգուտ է տալիս մեր օրգանիզմին։ Եթե դուք տառապում եք անքնությամբ, ապա անպայման վայելեք այս բնական միջոցը։
Բաղադրիչներ
- 2 բանան
- 1 լիտր ջուր
- Դարչինի երկու փայտիկ
Պատրաստման եղանակը
1. Լավ լվացեք բանանները և դարչինի հետ դրեք եռացող ջրի մեջ։ Եփեք մոտ 15 րոպե, հանեք կրակից և սառեցրեք։ Քնից մեկ ժամ առաջ խմեք այս թեյը։ Իսկ ազդեցությունն ավելի ուժեղացնելու համար նաև մեկ հատ բանան կերեք քնելուց առաջ։ Դուք ոչ միայն անքնությունից կազատվեք, այլև մարսողությունը կկարգավորվի, և սակավարյունություն չեք ունենա։ Կարելի է այսպես եփել նաև մաքրած և կտրատած բանանները։ Այս դեպքում եփեք ավելի քիչ, սակայն օգուտն էլ ավելի պակաս կլինի։
Բանանի օգնությամբ կարելի է նաև հազը բուժել։ Մեղրի հետ միասին հրաշալի խառնուրդ է ստացվում, որը երկու օրում կբուժի ձեր հազը։
Բաղադրիչներ
- 1 բանան
- 1 ճ/գ բնական մեղր
Պատրաստման եղանակը
Լվացեք բանանը, սպիտակ թելերից մաքրեք։ Միջուկը շիլայի վերածեք պատառաքաղով կամ հարիչով և մեղր ավելացրեք։ Խառնուրդը դրեք ջրային բաղնիքի վրա 8-10 րոպեով։ Սառեցրեք, և մեկ թեյի գդալ կերեք օրվա ընթացքում այնքան, որ ամբողջը մեկ օրում ուտեք։ Հազը արագ կանցնի։
Պետք չէ նաև մոռանալ, որ բանանն օգտակար է կանանց համար։ Փորձառու գեղեցկուհիները բանանով կոսմետիկ դիմակներ են պատրաստում, որոնք մաքրում և խոնավեցնում են մաշկը։
