Միացյալ Նահանգներում կալանավորել են հզոր մաֆիոզ ընտանիքի պարագլխի ենթադրյալ մարդասպան Ֆրանչեսկո Քալիին: Այս մասին Twitter-ում հայտարարել է Նյու Յորքի ոստիկանության պաշտոնական ներկայացուցիչ Դերմոթ Շին:
«Հետաքննությունը դեռ շարունակվում է, և դեռ շատ աշխատանք է սպասվում»,- գրել է Շիին:
Նրա խոսքերով, մաֆիոզ խմբավորման ղեկավարի վրա հարձակվողը 24-ամյա Էնթոնի Կոմելոն է: Սակայն ոստիկանությունը չի բացառում, որ այլ անձինք ևս կարող են ներգրավված լինել հանցագործության մեջ:
Ոստիկանության ներկայացուցիչը նաև շնորհակալություն է հայտնել մի քանի խուզարկուների՝ ցուցաբերած պրոֆեսիոնալիզմի համար:
Ֆրանչեսկո Քալին սպանվել է մարտի 14-ին Նյու Յորքում իր տան մոտակայքում: Հարձակվողը փախել է հանցագործության վայրից:
Ֆրանչեսկո Քալին Սիցիլիայից է: Նա գործնականում ղեկավարում էր Նյու Յորքում կազմակերպված հանցագործությունը վերահսկող Գամբինո խմբավորումը: Քալին նախկինում դատապարտվել է շորթման մեղադրանքով: