Նյու Յորքի Սթեթեն Այլենդ թաղամասում սպանվել է Գամբինո հանցավոր ընտանիքի պարագլուխ Ֆրենքի «Բոյ» Կալին, գրում է Daily Mail-ը՝ նկատելով, որ վերջին 30 տարվա ընթացքում սա Նյու Յորքում մաֆիայի «դոնի» առաջին սպանությունն է:
Վերջին անգամ Նյու Յորքում այսպիսի սպանություն տեղի էր ունեցել 1985թ., երբ Ջոն Գոտին սպանեց Գամբինո կլանի այն ժամանակվա պարագլուխ Փոլ Կաստելանոյին:
Նշվում է, որ անհայտ մեքենայից Կալիի ուղղությամբ կրակել են նրա տան դիմաց: Դեպքի վայր ժամանած ոստիկանությունը 53-ամյա հանցագործի մարմնում վեց փամփուշտ է հայտնաբերել:
Ծագումով սիցիլիացի Կալին ամուսնացած էր Ջոն Գամբինոյի զարմուհու հետ: Նա կլանի ղեկավար էր դարձել 2015թ.:
Ոստիկանության տվյալներով՝ Գամբինո կլանը Կալիի հովանու ներքո զբաղվում էր հերոինի և օքսիտոցինի թրաֆիքինգով: Իրավապահ շրջանակներում Կալին համարվում էր «հին դպրոցի դոն»:
Փոլ Կաստելանոյի սպանությունը