Խնձորով կարկանդակ

Պատրաստում ենք խմորը, որի համար ալյուրը, շաքարի փոշին, փխրեցուցիչը լցնում ենք բլենդերի մեջ, ապա ավելացնում ենք կտրատած կարագն ու հարում ենք՝ վերածելով փշրանքների։

Ավելացնում ենք ձվի դեղնուցն ու թթվասերը և շարունակում ենք հարել։ Ստացված խմորը վերածում ենք գնդի ու 30-60 րոպե թողնում ենք սառնարանում կամ 20 րոպե՝ սառցախցիկում։

Բացում ենք խմորաշերտը ձևամանի չափով, դնում ենք 22 սմ տրամագծով ձևամանի մեջ ու պատառաքաղի օգնությամբ անցքեր ենք անում խմորի վրա։

Թխում ենք 15 րոպե 180 աստիճան տաքացրած ջեռոցում։

Պատրաստում ենք միջուկը, որի համար կաթնաշոռն ու թթվասերը լցնում ենք առանձին տարայի մեջ ու լավ հարում ենք՝ վերածելով միասեռ զանգվածի։

Ավելացնում ենք շաքրավազն ու վանիլային շաքարավազը, բուսայուղը, դեղնուցներն ու օսլան և շարունակում ենք հարել։ Պետք է ստացվի միասեռ, հարթ ու նուրբ կրեմ։

Առանձին հարում ենք սպիտակուցներն ու ավելացնում կաթնաշոռային զանգվածին։

Փափուկ խնձորները կեղևահանում ենք, բաժանում նուրբ շերտերի, ավելացնում ենք 1/2 ճ/գ շաքարավազ։ Եթե խնձորները քաղցր են, ապա կարելի է չավելացնել։

Խնձորները լցնում ենք խմորաշերտի վրա ու հավասարապես տարածում ենք։

Վերին շերտը պատում ենք կաթնաշոռային զանգվածով ու հավասարապես տարածում։
Թխում ենք 50-60 րոպե 160 աստիճան տաքացրած ջեռոցում։ Պատրաստ լինելուց հետո հանում ենք ջեռոցից ու թողնում, որ ամբողջովին սառչի։

Մեր համեղ շոռակարկանդակը պատրաստ է։