Բաղադրիչներ

  • Սրճային կարամելի համար՝
  • սուրճ սև - 160 գ (եփած)
  • եղեգնաշաքար - 225 գ
  • սերուցք՝ 30-35% յուղայնությամբ - 140 մլ
  • կարագ - 28 գ
  • աղ - 1պտղունց
  • «Բրաունիի» համար՝
  • կարագ - 226 գ
  • սև շոկոլադ - 115 գ
  • շաքարավազ - 285 գ
  • լուծվող սուրճ - 2 ճ/գ
  • ձու - 4 հատ
  • կակաո - 70 գ
  • ալյուր - 100 գ
  • Նուտելլա - 4-5 ճ/գ
  • կարամել - ըստ ճաշակի

Պատրաստման եղանակը

Պատրաստում ենք սրճային կարամելը: Շաքարավազի վրա լցնում ենք եփած սուրճը և մարմանդ կրակին եփում 5 րոպե: Այնուհետև ավելացնում ենք սերուցքն ու կարագը և կրկին եփում 5 րոպե: Վերցնում ենք կրակից, ավելացնում աղն ու լցնում բանկայի մեջ:
brauni-srchayion-karamelov-1
Պատրաստում ենք «Բրաունին»: Կարագն ու շոկոլադը գոլորշու վրա հալեցնում ենք, ավելացնում շաքարավազն ու լուծվող սուրճը և խառնում մինչև համասեռ զանգվածի ստացումը: Հատ առ հատ ավելացնում ենք ձվերը և լավ խառնում: Զգուշությամբ լցնում ենք կակաոն և ալյուրը:
brauni-srchayion-karamelov-3
Խմորի կեսը լցնում ենք յուղաթղթապատ ձևամանի մեջ, վրան լցնում ենք «Նուտելլան» և զգուշությամբ ավելացնում կարամելի 2/3 մասը: Այնուհետև լցնում ենք մնացած խմորը: brauni-srchayion-karamelov-2
Թխում ենք նախօրոք 175 աստիճան տաքացրած ջեռոցում 25-30 րոպե: Ջեռոցից հանում ենք, հովացնում և խորանարդաձև կտրատում: Կտրատած «Բրաունիի» վրա լցնում ենք մնացած կարամելը:
brauni-srchayion-karamelov-5
Ահա և վերջ։
brauni-srchayion-karamelov-4

«Բրաունի» թխվածքի սիրահարները, միանշանակ, գոհ կմնան։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել