Կոչ եմ անում երիտասարդությանն աչալուրջ և ուշադիր լինել բուհերում հնարավոր աղետալի հետևանքներից խուսափելու համար:

Չեմ կարող չանդրադառնալ մամուլում տեղ գտած նորությանը «Ռեստարտ» նախաձեռնության ստացած նոր դրամաշնորհի մասին: Ֆինանսավորման աղբյուրը կրկին ահաբեկող է. կրկին կիզակետում է Սորոսի հիմնադրամը:

Դեռ նախորդ տարվա նոյեմբերի 14-ին կայացած մամուլի ասուլիսում խոսել եմ բուհական «Ռեստարտ» նախաձեռնության՝ հանրահայտ Սորոսի հիմնադրամից ֆինանսավորվելու մասին: Թեև այդ ժամանակ արժանացա բազմաթիվ քննադատությունների, միևնույն է, չեմ կարող լռել և թույլ տալ, որ այս վտանգավոր երևույթը, ընդ որում՝ անհայտ-անհասկանալի նպատակներով, խոր արմատներ գցի հայաստանյան բուհերում: Ոչ մեկիս համար գաղտնիք չէ, թե այդ չարաբաստիկ հիմնադրամն ամբողջ աշխարհում ինչպիսի բնույթի ծրագրերի հովանավորմամբ է զբաղված։ Քիչ թե շատ գիտակից մարդու գլխում հարցեր են ծագում՝ ինչո՞ւ հայկական բուհերում, ինչո՞ւ հիմա, ինչո՞ւ այսքան մեծ գումարներ, ո՞ւր են ուղղվում դրանք, ի՞նչ նպատակներով են ծախսվում, արդյո՞ք ուսանողության մի զանգված այսօր մոլորության մեջ չէ: «Ռեստարտ» նախաձեռնությունը, ժամանակ առ ժամանակ ակտիվանալով (և ոչ պատահական ժամանակներում), հանդես է գալիս սառցաբեկորի սկզբունքով՝ բացահայտ «գոռալով» վեհ նպատակների ու ակադեմիական միջավայրի մասին՝ խորքում Սորոսից ստանալով մեծ գումարներ ու ծախսելով դրանք անհայտ նպատակներով ու ուղղություններով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել