Շոկոլադե պիրոգ՝ շոկոլադե կրեմ-մուսսով

Պատրաստում ենք կրեմ-մուսսը. օսլան 150 մլ կաթի մեջ ենք լցնում և խառնում, մինչև գնդիկներից ազատվենք։
Կաթսայի մեջ ենք լցնում շաքարավազն ու 200 մլ կաթը, դնում ենք կրակի վրա։ Տաքացնում ենք մինչև մոտավորապես 90 աստիճան (գրեթե եռման աստիճանի)։

Կրակից վերցնում ենք և ավելացնում կտրատած շոկոլադն ու մաղած կակաոն։ Այդ ամենը լավ խառնում ենք։

Կաթսան դնում ենք կրակի վրա, ավելացնում ենք 650 մլ կաթը և հանգամանորեն խառնում ենք, որպեսզի գնդիկներ չմնան։

Ավելացնում ենք օսլայով և կաթով զանգվածը և եփում ենք, մինչև թանձրանա։ Ահա այսպիսի նուրբ կրեմ-մուսս է ստացվում։

Կրեմ-մուսսով կաթսան դնում ենք սառը ջրի մեջ և ամբողջությամբ սառեցնում ենք։ Կրեմ-մուսսը սառելուց հետո ավելացնում ենք բալը (եթե սառեցված է, հալեցնում ենք), խառնում ենք, սննդային փաթեթով ծածկում և տեղափոխում սառնարանը։

Պատրաստում ենք խմորը։
Բոլոր չոր բաղադրիչները (ալյուրը, կակաոն և շաքարի փոշին) մաղում ենք և խառնում իրար։ Անպայման շաքարի փոշի ենք վերցնում, որպեսզի խմորի մեջ շաքարավազի չլուծված հատիկներ չմնան։ Ավելացնում ենք աղը, դեղնուցները և կարագը։ Ձեռքերով խմոր ենք հունցում, այնուհետև գնդում ենք, սննդային փաթեթով կիպ փաթաթում և 2 ժամով տեղափոխում սառնարանը։

Նշված ժամանակի ավարտից հետո խմորը սառնարանից հանում ենք, մոտ 2/3 մասը գրտնակում ենք և տեղափոխում յուղաթղթապատ 24 սմ տրամագծով ձևամանի մեջ։

Խմորի վրա ենք լցնում կրեմ-մուսսը, իսկ մնացած խմորով տորթի վերևամասն ենք ձևավորում` ըստ երևակայության։ Այնուհետև ձևամանը տեղափոխում ենք 180 աստիճան տաքացրած ջեռոցի մեջ և 50-55 րոպե թխում ենք։ Թխվելու ընթացքում տորթի բույրն ամբողջ բնակարանով մեկ է տարածվում։

Մատուցելուց առաջ պիրոգը սառեցնում ենք, բայց ավելի լավ կլինի սննդային փաթեթով ծածկել և գիշերը սառնարանում թողնել։