168.am-ը գրում է

2019 թվականին «Օսկար» կինոմրցանակի հանձնման արարողությունը վարելու իրավունքն ստացել է դերասան Քեւին Հարթը, որը հայտնի է «Մեկուկես լրտես» (Central Intelligence, 2016) կատակերգական մարտաֆիլմում խաղացած դերով: Այդ մասին Հարթն ինքը հայտնել է Instagram-ում:

«Ես շատ երջանիկ եմ ասելու, որ ինձ համար վերջապես եկել է «Օսկարի» հանձնումն անցկացնելու հերթը»,- գրել է Հարթը: Նա խոստացել է արարողությունը դարձնել յուրահատուկ եւ անմոռանալի:

Ակադեմիան ինքը այդ որոշումը հաստատել է Twitter-ում:

«Օսկարի» 91-րդ մրցանակաբաշխությունը կկայանա 2019 թվականի փետրվարի 24-ին Հոլիվուդի Dolby թատրոնում, հաղորդել է ՏԱՍՍ-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել