Ֆրանսիայում ոստիկանությունն արցունքաբեր գազ է կիրառել Փարիզում անցկացվող բողոքի ակցիաների մասնակիցների դեմ, գրում է ria.ru-ն՝ մանրամասնելով, որ մարդիկ բողոքում են վառելիքի գների բարձրացման դեմ:

Հայտնի է, որ ցուցարարների և իրավապահների միջև բախումները տեղի են ունեցել Հաղթական կամարից ոչ հեռու: Ցուցարարները փորձել են գրավել բողոքի ակցիայի գոտու մուտքի մոտ գտնվող անցակետը: Արդյունքում մեկ մարդ է բերման ենթարկվել: Եվս երկու մարդ բերման է ենթարկվել զենքի ապօրինի կրման համար:

Բողոքի ակցիաների պատճառով Փարիզում փակ է մետրոյի յոթ կենտրոնական կայարան: Ընդհանուր առմամբ, հասարակական կարգն ապահովում է մոտ 6.000 իրավապահ:

Հիշեցնենք, որ «Դեղին անթև բաճկոնների» բողոքի զանգվածային ակցիաները երկրում սկսվել են նոյեմբերի 17-ից: Նախորդ շաբաթ դրանց մասնակցել է 100.000-ից ավելի մարդ: Փարիզում դրանք ուղեկցվել են Ելիսեյան դաշտերում զանգվածային անկարգություններով:

Երկրի նախագահ Էմանուել Մակրոնն ավելի վաղ հայտարարել էր, որ իշխանությունները հասկանում են ժողովրդի անհանգստությունը, սակայն մտադիր չեն հետ կանգնել իրենց որդեգրած քաղաքականությունից:

Հունվարի մեկից Ֆրանսիայում մեկ լիտր բենզինի գինն ավելանալու է 2,9, իսկ դիզելային վառելիքինը՝ 6,5 եվրոցենտով: Մինչդեռ այս տարվա ընթացքում բենզինի գինն արդեն ավելացել է 15, իսկ դիզելայինինը՝ 23%-ով:

Картинки по запросу paris tear gas police demonstratorsКартинки по запросу paris tear gas police demonstratorsКартинки по запросу paris tear gas police demonstratorsКартинки по запросу paris tear gas police demonstrators

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել