Aysor.am-ը գրում է.
Եվրամիության պետությունների ու կառավարությունների ղեկավարները պաշտպանել են ԵՄ-ի կազմից Մեծ Բրիտանիայի դուրս գալու շուրջ արտահերթ գագաթնաժողովը նոյեմբերին անցկացնելու Եվրախորհրդի նախագահ Դոնալդ Տուսկի առաջարկը: Այս մասին Զալցբուրգում ԵՄ-ի ոչ պաշտոնական գագաթնաժողովում հայտնել է Ավստրիայի կանցլեր Սեբաստյան Կուրցը:
Նրա խոսքով՝ Մեծ Բրիտանիան և ԵՄ-ն դեռևս տարբեր մոտեցումներ ունեն Brexit-ի նկատմամբ: «Ինչպես գիտեք, մեր մոտեցումները տարբերվում են իրարից»,- ասել է Կուրցը՝ նշելով, որ պետությունների ու կառավարությունների ղեկավարները պաշտպանեցին Brexit-ի շուրջ գագաթնաժողովը նոյեմբերին անցկացնելու առաջարկը:
Եվրախորհրդի նախագահ Դոնալդ Տուսկը չորեքշաբթի հայտարարել էր, որ մտադիր է նոյեմբերի կեսերին հրավիրել հանրակցության անդամ 27 երկրների արտահերթ գագաթնաժողով՝ նվիրված ԵՄ-ի կազմից Մեծ Բրիտանիայի դուրս գալու շուրջ բանակցություններին:
Ամբողջական հոդվածը կարող եք կարդալ այստեղ
