Ամերիկյան գիտնականները հույս են ներշնչում ավելորդ քաշ ունեցող մարդկանց. ախորժակը նվազեցնող միջոց է գտնվել, որը, ակնհայտորեն, լուրջ խնդիրներ չի առաջացնում սրտի համար՝ երկարատև օգտագործման դեպքում,– հաղորդում է գերմանական Die Welt պարբերականը։

Lorcaserin անունով դեղամիջողը գիտնականները փորձարկել են 40 ամիս՝ երկու խմբերի վրա. խմբերից մեկը ընդունել է դեղամիջոցը, մյուսին՝ պլացեբո են տվել։ Ընդհանուր առմամբ հետազոտությանը 12 հազար մարդ է մասնակցել, որոնք տառապում էին ճարպակալմամբ։ Lorcaserin ընդունած մարդիկ միջինում 4 կգ են կորցրել։ Նրանցից 3,3 հազարը ենթարկվել է սրտի փականների աշխատանքի հետազոտության. սրտի վրա լուրջ բացասական ազդեցություն չի հայտնաբերվել, հաղորդում է պարբերականը։ Պլացեբո ընդունած խմբում միայն 17% է նման քաշ կորցրել։

Այնուամենայնիվ, Lorcaserin-ը նաև կողմնակի ազդեցություն կարող է ունենալ, նշում են հրապարակման հեղինակները։ Հաճախ գլխապտույտ, սրտխառնոց և գլխացավեր կարող են առաջ գալ։ Չի կարելի բացառել նաև հոբեվիճակի վրա ազդեցությունը. Դեղն ընդունած 21 մարդու մոտ ինքնասպանության մասին մտքեր են առաջացել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել