Wnews.am-ը գրում է.
Այսօր Հայաստան է ժամանել աշխարհի ամենաազդեցիկ կանանցից մեկը՝ Գերմանիայի կանցլեր Անգելա Մերկելը:
Սա Գերմանիայի առաջին կանցլերի, ինչպես նաև Մերկելի առաջին այցն է Հայաստան։ Նա նաև առաջին եվրոպացի ազդեցիկ պաշտոնյան է ով Հայաստան է այցելում՝ իշխանափոխությունից հետ: Մերկելը կհանդիպի Նիկոլ Փաշինյանի, Արմեն Սարգսյանի հետ, ապա կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին։
Wnews.am-ը որպես Հայաստանի ամենականացի կայք չէր կարող չանդրադառնալ ամենաազդեցիկ կանանցից մեկի Հայաստան այցին: Այդ առիթով մենք առանձնացրել ենք 12 հետաքրքիր փաստ Գերմանիայի կանցլեր Անգելա Մերկելի մասին։
1. Դպրոցում Անգելա Մերկելի սիրելի առարկան ռուսերենն էր։ 1968 թվականին 14-ամյա Անգելան որպես միջազգային օլիմպիադայի հաղթող եղել է Մոսկվայում։
2. 36 տարեկանում Անգելան դարձավ Գելմուտ Կոլի կաբինետի ամենաերիտասարդ նախարարը։
3. 9 տարի շարունակ Մերկելը գլխավորում է Forbes-ի ամենաազդեցիկ կանանց ցուցակը։
4.Գերմանիայի կանցլեր Անգելա Մերկելը գրեթե չի կրում կիսաշրջազգեստներ. նա նախընտրում է տաբատներ։ Ընդհանրապես՝ Մերկելի ոճը խիստ է, տղամարդկային, հիմնականում նա նախընտրում է մուգ երանգի հագուստ։
Մերկելի հագուստի դիզայները գերմանացի մոդելավորող Բետտինա Շենբախն է։ Զարդեր Մերկելը եւս գրեթե չի կրում՝ բացառությամբ շվեյցարական Jaeger-LeCoultre ապրանքանիշի ժամացույցի։
Չնայած դրան 2008 թվականին Մերկելը հանրությանն ապշեցրեց իր անկեղծ դեկոլտեով. Օսլոյի համերգասրահում նոր օպերայի պրեմիերային նրա դեկոլտեն դարձավ լայն քննարկումների առարկա։
5. Մերկելն ամուսնացել է երկու անգամ։ Իր առաջին պսակադրությանը, որը տեղի է ունեցել 1977 թվականին, Անգելան կրել է երկնագույն զգեստ, որը, սակայն նրան հաջողություն չի բերել. ամուսնությունը տեւել է ընդամենը հինգ տարի։
Երկրորդ անգամ Մերկելն ամուսնացավ 44 տարեկանում։ Մինչ ամուսնությունը պաշտոնապես գրանցելը, զույգը քաղաքացիական ամուսնությամբ ապրել է 14 տարի։ Մերկելի ամուսին պրոֆեսոր Զաուերը ներկա չի գտնվել կնոջ երդմնակալությանը, պատճառաբանելով, որ չի ցանկացել նրա ուշադրությունը գրավել իր վրա։
6.Մերկելը չունի երեխաներ. ընդունված է նրան անվանել մարդ, ով իրեն զրկում է ուրախությունից ու ծնողական խնդիրներից։ Չնայած դրան, իր հարզացրույցներից մեկում նա խոստովանել է, որ ցանկացել է մայրանալ, սակայն, ինչ-ինչ հանգամանքներից ելնելով, չի ստացվել։
«Երբ սկսեցի քաղաքականությամբ զբաղվել, երեսունհինգ տարեկան էի, այդ ժամանակ արդեն մայրանալու հարցի մասին մոռացա էլ»,- խոստովանել է նա։
Ամբողջական հոդվածը կարող եք կարդալ այստեղ։
