Վրաստանի՝ Հյուսիսատլանտյան դաշինքին անդամակցելը կարող է աղետալի հետևանքներ ունենալ։ Այս մասին օգոստոսի 6-ին հայտարարել է Ռուսաստանի վարչապետ Դմիտրի Մեդվեդևը, փոխանցում է ՏԱՍՍ-ը։
«Դա կարող է սարսափելի հակամարտության պատճառ դառնալ։ Անհասկանալի է՝ ինչու է դա պետք»,- ասել է Մեդվեդևը։
Մեդվեդևի կարծիքով՝ 2008-ին Վրաստանի և Հարավային Օսիայի միջև զինված հակամարտությունից կարելի էր խուսափել։
«Ոչ մի անխուսափելիություն չկար»,- նշել է վարչապետը։
Հուլիսին ՆԱՏՕ-ի գլխավոր քարտուղար Յենս Ստոլտենբերգը հաստատել է Վրաստանին ռազմաքաղաքական դաշինք ընդունելու մտադրությունը՝ կոնկրետ ժամանակ չնշելով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել