Tert.am-ը գրում է.
Մենք 20 տարի շարունակ ասել ենք՝ պետք է վերականգնվի բանակցությունների լիարժեք ձևաչափը, դրա դեմ Ադրբեջանի կողմից հնչեցվող կտրուկ, ամպագոռգոռ հայտարարությունները պարզապես անընդունելի են:
Այս մասին Tert.am-ի հետ զրույցում ասաց ԱՀ նախագահի մամուլի խոսնակ Դավիթ Բաբայանը` անդրադառնալով Ադրբեջանի արտգործնախարար Էլմար Մամեդյարովի հայտարարություններին, թե Ղարաբաղյան հակամարտության կարգավորման բանակցային գործընթացում նաև Լեռնային Ղարաբաղին ներգրավելը ծիծաղելի է:
«Եթե Ադրբեջանի ինչ-որ պաշտոնյա կարծում է, որ ԼՂՀ-ի մասնակցությունը բանակցություններին ծիծաղելի է, ես կուզենայի հիշեցնել, թե ինչպես էին Արցախյան պատերազմի ժամանակ նույն Հեյդար Ալիևը, մնացած պաշտոնյանները խնդրում, որ կապ հաստատվի Արցախի իշխանությունների հետ, որպեսզի զինադադարի ռեժիմ կնքվի: Այն ժամանակ ոչ ոք չէր ասում, որ դա ծիծաղելի է, խնդրում էին, աղաչում էին, որ բանակցեն մեզ հետ, մենք սա երեսով տալու համար չենք ասում, մենք պարզապես ասում ենք իրականությունը:
