Ընդդիմությունը պետք է քաղաքական պայքար մղի, եթե չի ցանկանում, որ իր ձգտումը վերածվի պաշտոնակռվի, եթե իսկապես ուզում է իր երկիրը տեսնել ավելի հզոր և զարգացած։ Առանց քաղաքական պայքարի ընդդիմության պայքարը վերածվում է «հեղափոխության», որի հետևանքները միշտ եղել են աղետալի։ Այսօր ընդդիմությունը պարտավոր էր մինչև իշխանության գալը, որը կարող էր լինել երեկ, կարող է լինել մեկ շաբաթից կամ մոտակա ապագայում, իսկ կարող է նաև չհաջողվել, զուտ իշխանական կռվին զուգընթաց նաև քաղաքական և տնտեսական պայքար մղել, այսինքն՝ պահանջներ ներկայացնել Ազգային ժողովին՝ ընդունելու այնպիսի օրենքներ, որոնք այդ նույն ընդդիմությունը կընդուներ, եթե ինքը լիներ իշխանություն։ Օրինակ՝ այսօր ընդդիմությունը պետք է խորհրդարանին ներկայացներ օրինագիծ, որն կարգելի ցանկացած մեծահարուստի լինել Ազգային ժողովի անդամ, միաժամանակ ընդունել այնպիսի ընտրական համակարգ, որի դեպքում նվազագույնի կհասնեն կեղծիքները, որ գոնե հաջորդ խորհրդարանը լինի պրոֆեսիոնալ․․․
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել