Tert.am-ը գրում է.
Իրանի արտաքին քաղաքական գերատեսչության մամուլի խոսնակ Բահրամ Ղասեմին «նողկալի սուտասան» է անվանել Իսրայելի վարչապետ Բենյամին Նեթանյահուին, որը նախօրեին հայտարարել էր, որ Թեհրանն իրականում ունի գաղտնի միջուկային ծրագիր՝ թաքցված միջազգային հանրությունից:
Այս մասին գրում է BBC-ն՝ նկատելով, որ Նեթանյահուի միջուկային բացահայտումներն արվել են մի շատ կարևոր պահի, երբ ԱՄՆ նախագահ Դոնալդ Թրամփը պատրաստվում է վերջնական որոշում կայացնել 2015թ. Իրանի ու «միջնորդ վեցյակի» (ԱՄՆ, Ռուսաստան, Չինաստան, Մեծ Բրիտանիա, Գերմանիա, Ֆրանսիա) միջև կնքված պատմական միջուկային համաձայնագրից դուրս գալու վերաբերյալ:
Թրամփը, որը նախկինում բազմիցս հայտարարել էր, որ համաձայնագիրը չի բխում ԱՄՆ շահերից, մինչև մայիսի 12-ը ժամանակ ունի կարևոր փաստաթղթի վերաբերյալ որոշման կայացման համար:
