Արևմտյան իշխանությունները Սիրիայի ուղղությամբ կրկին հրթիռներ արձակելու ծրագիր չունեն, սակայն կդիտարկեն հնարավոր տարբերակները, եթե Դամասկոսը նորից քիմիական զենք կիրառի:
Ինչպես փոխանցում է Reuters գործակալությունը, այս մասին կիրակի հայտարարել է Մեծ Բրիտանիայի ԱԳ նախարար Բորիս Ջոնսոնը:
ԱՄՆ-ի, Ֆրանսիայի և Մեծ Բրիտանիայի զինված ուժերը նախօրեին ավիահարվածներ են իրականացրել Սիրիայի կառավարական կառույցների ուղղությամբ, որտեղ, արևմտյան երկրների կարծիքով, քիմիական զենք է արտադրվում: Երեք երկրի պաշտոնյաների խոսքով՝ ավիահարվածները պատասխանն էին սիրիական կառավարական ուժերի կողմից իրականացված ենթադրյալ քիմիական հարձակմանը:
Դամասկոսում սիրիացի փոխարտգործնախարար Ֆեյսալ Մեքդադը հանդիպում է անցկացրել Քիմիական զենքն արգելող կազմակերպության փորձագետների հետ:
Փորձագետները պետք է այցելեն ենթադրյալ քիմիական հարձակման վայր՝ հետաքննություն իրականացնելու համար:
