Ադրբեջանի մասնակցությունը «Վիքինգ» երկաթգծային նախագծին թույլ կտա բեռներ ներգրավել Կենտրոնական Ասիայից ու Չինաստանից դեպի Եվրասիական տրանսպորտային միջանցք` TRACECA։ Այդ մասին հայտնել են Լիտվայի երկաթգծերից։
Նշվում է, որ Ադրբեջանի երկաթգծերը հանդես է եկել առաջարկությամբ` իրականացնել բեռնափոխադրումներ նաև դեպի Իրան։
Բացի այդ՝ «Վիքինգը» նախատեսվում է միացնել Տրանսկասպյան միջազգային տրանսպորտային միջանցքին։ «Վիքինգ» ծրագրի անդամ են Լիտվան, Բելառուսն ու Ուկրաինան․ Ադրբեջանն այդ ծրագրին միացել է 2016թ.-ին։
Ուկրաինան ու Բելառուսը Բաքու-ղազախական Ալյաթի նավահանգստով, ինչպես նաև Բաքու-Թուրքմենշաբի ուղղությամբ՝ լաստանավային փոխադրումներով դուրս են գալու կարևորություն ունեցող թուրքմենական, իսկ Իրան–Ադրբեջան երկաթգծի շահագործման մեկնարկից հետո՝ նաև Իրանի շուկա։
Ադրբեջանը դառնում է վերորնշյալ երկրների պատուհանը դեպի թյուրքական աշխարհ՝ Կենտրոնական Ասիա ու Սինցզյան, ինչպես նաև հակառուսական արտաքին քաղաքական վեկտոր ունեցող երկրներին՝ Վրաստան, Ուկրաինա միջանցք տրամադրում՝ ՌԴ շրջանցելու և ՌԴ-ից տարանցիկ կախվածության թուլացման համար:
Ադրբեջանի միացումը ՌԴ-ին շրջանցող ցանկացած տրանսպորտային, էներգետիկ միջանցքի աջակցություն է ստանալու ԱՄՆ-ի ու ԵՄ-ի կողմից` հետխորհրդային տարածքում ռուսական ազդեցության թուլացման ռազմավարությունից ելնելով։
