Այսօր ՀՔԾ-ն հանդես եկավ հայտարարությամբ, որում նշում էր, որ երգիչ Սեբուհի հորից 100 եվրո կաշառք ստացած մյուս ՃՈ ոստիկանն էլ է կալանավորվել: Նշեմ, որ այս ոստիկանն արդեն 2-րդ կալանավորված անձն է: Երկու ոստիկանները 100 եվրո կաշառք են ստացել և կալանավորվել: Այս պահի դրությամբ անհայտ է, թե ինչ է լինելու կաշառք տվողի հետ, չէ՞ որ նա նույնպես հանցանք է գործել...

Տեսեք, ոստիկաններին սպառնում է մի քանի տարի ազատազրկում։ Եթե նրանց դատարանը նվազագույն պատիժ սահմանի, ընդունենք՝ 7 տարի, ապա պետությունը թանկ կվճարի:

Մեկ կալանավորված և դատապարտված անձի համար պետբյուջեից ծախսվում է օրը 600 դրամ: 7 տարին 2555 օր է: 2555 անգամ 6000 դրամ՝ ստացվում է 15 միլիոն 330 հազար դրամ: Մեկ ՃՈ ոստիկանը 7 տարի բանտում մնալու դեպքում պետության վրա, կոպիտ ասած, կնստի այդքան գումար: 2 ոստիկանների պահման համար՝ կրկնակի: Երկուսն էլ բանտում են:

Դուք ասում եք՝ բյուջեում գումար չկա: 100 եվրո կաշառք են վերցրել, 100 օր ձրի աշխատացրեք, թող քար բարձեն, պաշտոնից ազատեք: 7 տարի նրանց բանտում պահելով՝ սպանում եք հա՛մ նրանց, հա՛մ էլ բյուջեն է մաշվում:

Թող պատժվեն, ոչ ոք նրանց արարքը չի խրախուսում, ոչ ոք, բայց պատժին ձև գոյություն ունի:

Ու էս ամեն ինչը նրա համար, որ մի հատ մարդ, ով Ամերիկայում շերիֆ տենալով կարողա 3 ժամ ծառի հետևը թաքնվի, իսկ Հայաստանում հարբած ղեկին ա նստում, կաշառում ա ոստիկաններին ու ազատվումա պատժից: Գիտե՞ք ինչի, որովհետև ինքը Սեբուի հերն ա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել