Araratnews.am-ը գրում է.
Այս տարի Դոնալդ Թրամփը՝ կատարելով նախագահի իր պարտականությունը,առաջին անգամ անցկացրել է հնդկահավերի ամենամյա ներման արարողությունը. հայտնում է «Ամերիկայի Ձայնը»:
Հատուկ Գոհաբանության տոնի առթիվ Միննեսոթա նահանգից բերված Դրամստիք և Ուիշբոուն անուններով հնդկահավերը ներման նախօրեին գիշերել էին նախագահի նստավայրի դիմաց գտնվող 5-աստղանի հյուրանոցում՝ սպասելով, թե Թրամփը ում ներում կշնորհի և կազատի կերակուր դառնալու ճակատագրից:
Գոհաբանության օրը Ամերիկայի պետական տոներից է, որը նշվում է յուրաքանչյուր տարի նոյեմբեր ամսվա չորրորդ հինգշաբթի օրը: Նոյեմբերի 23-ի նախօրեին մթերային խանութներում եռուզեռ է, մարդիկ շտապում են գնումներ կատարել:
Գոհաբանության օրը հնդկահավերի մեծարման ավանդույթի սկիզբը դրվել Է 1947 թվականին, երբ Հնդկահավի ազգային ֆեդերացիան եւ Թռչնաբույծների ազգային խորհուրդն առաջին անգամ այդ թռչունը նվիրեցին ԱՄՆ-ի նախագահ Հարի Թրումենին:
