13։08 - Նախագահ Սարգսյանի այցը Շվեյցարիա սկսված է: Մեր պատվիրակությունն արդեն ժամանել է Ժնևի Կուանտրան միջազգային օդակայան: Այստեղից պատվիրակությունն ուղիղ մեկնում է բանակցությունների վայր: Ի դեպ՝ Շվեյցարիայի տարածք մտնելիս ՀՀ նախագահին ուղեկցեցին այդ երկրի 2 ռազմական օդանավերը: Սա, ըստ պրոտոկոլի, հարգանքի նշան է:
13։32 - Հանրապետության նախագահը Ժնևի «Կուանտրան» միջազգային օդակայանում կարճատև հանդիպում ունեցավ Արամ Ա. կաթողիկոսի հետ, ով քիչ առաջ էր ժամանել Ժնև այստեղից Բրյուսել մեկնելու նպատակով:
13։53 - Հանդիպումը տեղի է ունենում «Վիլլա ֆրոնտենեքս-Սալադին»-ում, որը Ժնևի ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրն է: Նախագահն արդեն ժամանել է վիլլա։
14։04 - Հանդիպումից հետո խմբակային լուսանկար
14։19 - Բազմակողմ հանդիպումը տևեց 15 րոպե: Հիմա նախագահները բանակցում են դեմ առ դեմ, երկուսով: Նկարում բանակցային սենյակից դուրս եկած ԵԱՀԿ ՄԽ-ն է և ԱԳՆ-ները
14:51 - Նախագահները դուրս եկան սենյակից, զրուցում են բացօթյա։
15:41 - Բանակցությունը դեռ շարունակվում է: Հետաքրքրական է, որ երկկողմ մեկ ժամանոց հանդիպումից հետո նախագահներին որոշ ժամանակով միացան ԵԱՀԿ ՄԽ համանախագահները, որից հետո նախագահները շարունակեցին առանձնազրույցը:
16:08 - Նախագահի գլխավորությամբ հայկական պատվիրակությունն ուղևորվեց Շվեցարիայում ՀՀ դեսպանություն
