Հայաստանում հեղափոխություն չի լինելու, քանի դեռ մարդիկ անհատապես դրանում շահագրգռված չլինեն։ Դա է դարերով ձևավորված հայու գենի առևտրական հիմնաքարերից մեկը: Անցած տարի տեղի ունեցած հեղաշրջման մոտալուտ ու անխուսափելի տապալումը կանխելու համար, հիմա փորձ է արվում հող նախապատրաստել հեղափոխության համար: Փոխվում է գործողությունների տրամաբանությունը: Հեղաշրջումը պահանջում է համակարգին կանգնեցնել փաստի առաջ և ներքին փոփոխություններ պարտադրել, մինչդեռ հեղափոխության համար անհրաժեշտ է մարդկանց զանգված:
Դատարկվում է բյուջեն, պահուստային ֆոնդերը, ֆինանսապես գամվում են խոշոր մենաշնորհները... 250 հազար պետական աշխատող կա և 470 հազար թոշակառու: Այս խավին զրկելով եկամուտից, անշուշտ, կարելի է ակնկալել խոշոր բողոքի ալիք, սակայն երկրի աշխատունակ բնակչության կեսը զբաղված է գյուղատնտեսությամբ: Այդ 800 հազար մարդիկ սովոր են միայն իրենց բերքով ապրելու: Եթե Լարսը փակվի, տակ կտան, վարկերը չեն մարի, բայց սոված չեն մնա և նրանք գիտեն, որ հողերը իրենց ձեռքից չեն խլի: Սա ահագին բարդացնում է հեղափոխության մարտավարությունը, քանի որ ՀՀԿ-ն, ԲՀԿ-ն ու ՀՅԴ-ն գրեթե ամբողջովին վերահսկում են իրավիճակը գյուղական համայնքներում:
Կա միայն մեկ գործոն, որը կախվածության մեջ է պահում Հայաստանում աշխատող գյուղացուն։ Դա ջուրն է: Հայաստանում շատ քիչ համայնքներ կան, որտեղ ինքնահոս ջրի քանակը բավարար է նույնիսկ սեփական պարենային կարիքները հոգալու համար: Գյուղացու ջուրը գալիս է Սևանից և տարբեր ջրամբարներից: Ջրամբարներն էլ թեպետ ռազմավարական օբյեկտներ են, բավականին ապահով են դիվերսիաների տեսանկյունից, քանի որ մարդկային գործոնի ռիսկը մինիմալ է: Մինիմալ է, բայց կա: Կա մի պարզ և բավականին եկամտարբեր տարբերակ․ ոչ թե ջրամբարները շարքից հանել, այլ այդ ջրամբարներից եկող ջուրը: Ջրի մակարդակը պետք է իջեցնել այնքան, որպեսզի այդ ջրամբարում ֆաունան սատկի՝ թունավորելով ամբողջ ջրամբարը: Էս պահին Ազատում ու Ախուրյանում հարցը «լուծված» է, այլ տեղերում դեռ «աշխատում» են:
Հասկանում եմ, որ վա-բանկ պիտի գնաք, քանի որ այլընտրանք չունեք, բայց հլը մի պահ պատկերացրեք՝ ինչ է լինելու, եթե հանկարծ տապալվի ծրագիրը: Եթե հանկարծ Սերժը դիմակայեց, եթե կարեցավ, եթե պարսիկները հասան, եթե չինացիք չթողեցին... Կարող ա 1% է հավանականությունը, բայց կա... Ու հաստատ 1% չէ, որ դուզը խոսանք: Ինքնաբերաբար սկսվելու է հակահեղափոխական ալիքը: Ո՛չ Հովիկ Աբրահամյանը, ո՛չ էլ Տիգրան Սարգսյանը ազգի թշնամու կարգավիճակ չստացան, նրանք կարող են հանգիստ լինել իրենց սերունդների անվտանգության համար: Ձեզ ո՞վ ա պաշտպանելու հարյուր հազարավոր կատաղած գյուղացիներից, և նրանց առաջնորդող մարգինալ ու շատ ամբիցիոզ նացիստներից: Սահակաշվիլին եվրոպամետ տղա էր, իրա մուռ հանելը շատ ցիվիլ էր:
Հ.Գ. Արծվիկ ջան, հասկանում ես, չէ՞, որ չես կարենալու ասես. «Դե, ես զգուշացնում էի, ինձ չէր լսում»: Դու բոլորից շուտ ու բոլորից լավ գիտես՝ ինչ ա տեղի ունենում հիմա և ինչ հետևանք է դա ունենալու մյուս ոռոգման սեզոնին: Վստահեցնում եմ, ահագին շատ վրդովված մարդ պահանջելու է պատասխանես, թե ինչ էիր անում դու այդ օրերին:
