Իրանի նախագահի երդման արարողության ժամանակ Հասան Ռուհանիի ելույթում հնչած «մեսիջները» վկայում են, որ չնայած նախընտրական շրջանում և դրանից հետո ընկած ժամանակաշրջանում առաջացած ներիշխանական լարվածությանը, առաջիկա չորս տարիներին նախագահ Ռուհանիի կառավարությունը երկրի առջև ծառացած ներքին և արտաքին խնդիրները լուծելու է լեգիտիմության լիարժեք պաշարով՝ տրված բազմամիլիոն քաղաքացիների, երկրի հոգևոր առաջնորդի, օրենսդիր, դատական իշխանությունների և ուժային կառույցների կողմից։
Իսկ մինչ խոստումների կատարումը Հասան Ռուհանին երդվել է. «Որպես նախագահ՝ սուրբ Ղուրանի և Իրանի ժողովրդի առջև երդվում եմ, որ կլինեմ պաշտոնական կրոնի, Իսլամական Հանրապետության կարգերի և երկրի սահմանադրության պաշտպանը և կներդնեմ իմ ամբողջ կարողություններն ու իրավասությունները՝ ինձ վրա դրված պարտականություններն իրականացնելու համար, ինձ կզոհաբերեմ իմ ժողովրդին և երկրի բարգավաճմանը, կրոնի և բարոյականության տարածման համար, իրավունքների պաշտպանության և արդարության տարածման համար, կպաշտպանեմ սահմանադրությամբ քաղաքացիներին վերապահված իրավունքները։
Երդվում եմ, որ կանեմ ամեն ինչ երկրի սահմանների պաշտպանության և երկրի տնտեսական, քաղաքական և մշակութայրն անկախության ապահովման համար։
Երդվում եմ, ապավինելով Բարձրյալին, հետևելով Մարգարեի ուղուն, պահպանել ժողովրդի կողմից ինձ վստահված իշխանությունը հանձնել նրան, ում ժողովուրդը կընտրի ինձանից հետո»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել