Քիչ առաջ Սաուդյան Արաբիան «նվեր» մատուցեց Իրանին, որտեղ այսօր տեղի է ունենալու Իրանի նախագահ Հասան Ռոհանիի երդմնակալության արարողությունը։ Այն ժամանակ, երբ Թեհրանում կարևոր այս իրադարձությանն են սպասում, արևմտյան մամուլում հայտնվել է մի լուսանկար, որը կարող է ռումբ հանդիսանալ Իրանի համար և կարող է կտրուկ փոխել Իրանի դիրքերը Իրաքում և Արաբական թերակղզում։
France 24-ը տեղեկացնում է, որ որոշ ժամանակ առաջ Սաուդյան Արաբիայում տեղի է ունեցել թագաժառանգ Մոհամեդ իբն Սալման ալ Սաուդի և իրաքյան հայտի շիա հոգևոր քարոզիչ և գործիչ Մուդթադա աս Սադրի միջև հանդիպում, որի ժամանակ վերջինս պահանջել է Իրաքի վարչապետ Հայդեր ալ Աբադիից ցրել «Հաշդ ալ-շաաբի» ջոկատները, որոնք հովանավորվում են Թեհրանի կողմից և սերտ կապեր ունեն էլիտար համարվող իսլամական հեղափոխության պահապանների կորպուսի հետ։
Չնայած նրան, որ շատ փորձագետներ, հաշվի առնելով Թեհրանի և Էր Ռիադի միջև բավական լարված հարաբերությունները, այս հանդիպումը համարում են աննախադեպ, սակայն որոշ բավական լավ տեղեկացված աղբյուրներ էլ գտնում են, որ վերջապես որոշ գործիչներ բացեցին իրենց խաղաքարտերը և բացահայտեցին իրենց ով լինելը։ Լիբանանյան «Հզբոլլահի» հետ կապ ունեցող «Ալ Ահբար» թերթը, մեկնաբանելով աս Սադրի և սաուդիտների դինաստիայի ներկայացուցչի հանդիպումը, գրել է. «Չնայած այդ այցը կարելի է քաղաքական ռումբ համարել, բայց այն միևնույն ժամանակ բացահայտեց վաղեմի գաղտնի կապերը»։
Եթե ֆրանսիական ԶԼՄ-ի կողմից աս Սադրի անունից տարածված հայտարարությունը համապատասխանում է իրականությանը, ապա դա պարզ դեմարշ է Թեհրանի դեմ և բացահայտում է հայտնի իրաքյան շիա մահմեդական գործչի Սաուդյան Արաբիայի գործակալ լինելու փաստը։
Նյութի աղբյուր՝ https://www.facebook.com/photo.php?fbid=1446759055408039&set=a.523199027764051.1073741828.100002218740735&type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
