Յուսուֆ Ութեյբեն ամերիկյան լրագրողին խորհուրդ է տալիս ավելի շատ հակաթուրքական հոդվածներով հանդես գալ, քանի որ ամերիկացիների մեծ մասը տեղյակ չեն Անկարայում տեղի ունեցող գործընթացներից։ «Երկարաժամկետ հեռանկարում, Թուրքիան սպառնալիք է մեզ համար»,- ասել է դեսպանը։
Հիշեցնեմ, որ Յուսուֆ Ութեյբեն մայիս ամսին ևս աչքի էր ընկել իր հակաթուրքական հայտարարություններով։ Այդ ժամանակ, մեկնաբանելով Թուրքիայի նախագահ Էրդողանի քայլերը, ՄԱԷ-ի դեսպանը Վաշինգտոնում հայտարարել էր. «Նա հասկանում է միայն ուժի լեզուն»։
Այս նամակագրության՝ այս պահին ի հայտ գալը պատահական չէ։ Էր Ռիադը և Աբու Դաբին սարսափելի դժգոհ են Էրդողանի քաթարյան քաղաքականությունից, ով, օգտվելով արաբական աշխարհում տեղի ունեցած պառակտումից, փորձում է ուժեղացնել իր դիրքերը Արաբական թերակղզում և Պարսից ծոցի ավազանում։ Սաուդյան Արաբիան և ՄԱԷ-ն դեռ այսպիսի լրատվական արտահոսքերի միջոցով են հասկացնում Անկարային վերջ տալ իր էքսպանսիոնիստական քաղաքականությանը։
Քաթարյան ճգնաժամը Թուրքիայի բռնապետի կողմից օգտագործվեց նեոօսմանական քաղաքականությունն առաջ տանելու նպատակով։ Շատ կարճ ժամանակահատվածում Թուրքիան Քաթարում 3-4 հազարանոց բանակ տեղակայեց և զորավարժություններ է անում Սաուդյան Արաբիայի սահմանին։
Ինչպես ասում են. «Իմ թշնամու թշնամին իմ բարեկամն է»։ Պաշտոնական Երևանը հնարավորինս պետք է օգտագործի արաբական աշխարհում գլուխ բարձրացրած հակաթուրքակյան ալիքը։
Նյութի աղբյուր՝ https://www.facebook.com/gagik.hambaryan/posts/1446704482080163?ref=notif¬if_t=close_friend_activity¬if_id=1501930726789079
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել