ՄԱԿ-ի գլխավոր քարտուղար Անտոնիու Գուտերեշը Վենեսուելայի կառավարության ու ընդդիմության միջև բանակցությունների կոչ է արել՝ լրագրողներին հայտնել է գլխավոր քարտուղարի պաշտոնական ներկայացուցիչ Ստեֆան Դյուժարիկը։ Այս մասին հայտնում է RIA Novosti-ն։
«Գլխավոր քարտուղարը կրկին խիստ հայտարարում է, որ անհրաժեշտ են քաղաքական բանակցություններ կառավարության և ընդդիմության միջև»,-հայտարարել է Դյուժարիկը։ Նա կոչ է արել տարածաշրջանի երկրներին նպաստել Վենեսուելայում քաղաքական գործընթացին։
«Գլխավոր քարտուղարն անհանգստացած է, որ քաղաքական լարվածության սրացումը կհեռացնի երկիրը խնդիրների խաղաղ լուծման տանող ուղուց»,-հավելել է Դյուժարիկը։
Նրա խոսքով՝ Գուտերեշը կոչ է աում բոլոր կողմերին, հատկապես կառավարական կողմին, ընդունելու միջոցառումներ՝ ուղղված մարդկանց մահվան կանխմանը։
Ավելի վաղ հաղորդվել էր, որ իրավապահ մարմինների աշխատակիցները ձերբակալել են Վենեսուելայի ընդդիմության երկու առաջնորդներին իրենց տներում։
