Tert.am-ը գրում է.
 Աշխատատեղերի խնդիրը չի լուծվելու այնքան ժամանակ, մինչև Հայաստանում, ի վերջո, արտադրական-արդյունաբերական տնտեսություն չլինի, ընդ որում, այդ արտադրական տնտեսությունը պետք է հիմնված լինի բարձր տեխնոլոգիաների վրա:
 Այս մասին լրագրողների հետ զրույցում այսօր նշեց «Ելք» դաշինքի՝ Երևանի քաղաքապետի թեկնածու Նիկոլ Փաշինյանը` անդրադառնալով Աշխատանքի միջազգային օրվան:
 Նիկոլ Փաշինյանը նշեց, որ 20 տարվա ընթացքում Հայաստանի արտադրական տարածքները հերթով վեր են ածվում տոնավաճառային տարածքների:
 «Մեր նպատակն է՝ հակառակ պրոցեսը սկսել, որպեսզի տոնավաճառային տարածքները վերածվեն արտադրական տարածքների»,-ասաց նա: 

 Նիկոլ Փաշինյանն իրենց հաղթանակից հետո բացառեց, որ Երևան քաղաքում որևէ պատմամշակութային հուշարձան ոտնձգության կենթարկվի և նկատեց, որ այսօր մեծ քանակությամբ պատմամշակութային հուշարձաններ ապամոնտաժված են:
 «Կանաչապատման խնդիրը վարչական խնդիր չէ. մենք կարծում ենք, որ կանաչապատման խնդիրը ընդհանուր խնդիր է, Երևան քաղաքը պետք է օղակվի կանաչ գոտիով, մերձքաղաքային անտառով, իսկ Երևան քաղաքում մենք պլանավորում ենք 500 հազար ծառ տնկել առաջիկա 5 տարվա ընթացքում: Ոչ խելամիտ կառուցապատման հետևանք է այն, որ այսօր Երևան քաղաքի կենտրոնում ավտոկայանատեղիների և խցանումների խնդիր կա: Երևան քաղաքի կենտրոնում կառուցապատումը պետք է սահմանափակվի, պետք է ուղղակի բանաձևեր գործեն»,-ասաց նա:
Ամբողջական հոդվածը կարող եք կարդալ այստեղ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել