Aysor.am-ը գրում է.
Պաշտոնական Ստեփանակերտը արժևորում է ցանկացած հանդիպում, որը տեղի է ունենում հակամարտող կողմերի միջև։
Aysor.am-ի հետ զրույցում Արցախի Հանրապետության նախագահի մամուլի խոսնակ Դավիթ Բաբայանն, անդրադառնալով Մոսկվայում այսօր կայանալիք եռակողմ հանդիպմանը, որը տեղի է ունենալու Հայաստանի, Ռուսաստանի և Ադրբեջանի արտգործնախարարների միջև, ասաց, թե բոլոր հանդիպումները չպետք է դիտարկվեն լոկ հակամարտության համապարփակ կարգավորման տեսանկյունից, քանի որ, ըստ նրա, այս գործընթացը շատ երկարատև է և տեսանելի ապագայում ինչ-որ ձևով հնարավոր չէ նույնիսկ կանխատեսել։
«Հանդիպման մյուս կարևոր ուղղությունը խաղաղության և կայունության պահպանումն է տարածաշրջանում, կողմերի միջև ինչ-որ հարաբերությունների, ինչ-որ կոնտակտների պահպանումն է։ Այս տեսանկյունից այդպիսի հանդիպումները կարևոր են, քանի որ նմանատիպ հանդիպումների ժամանակ, նախևառաջ, կողմերի միջև կրկին շփումներ են տեղի ունենում», - ասաց Դավիթ Բաբայանը։
Ամբողջական հոդվածը կարող եք կարդալ այստեղ
