Aysor.am-ը գրում է.
Ռուսաստանում ճանապարհային երթևեկության կանոնները խախտելու և փաստաթղթեր կեղծելու մեղադրանքով 6.9 տարվա ազատազրկման դատապարտված Հրաչյա Հարությունյանին Հայաստանին արտահանձնելու հարցում նրա հարազատները, այդուհանդերձ, կասկածներ ունեն։
Հարությունյանի ազգական Վիկտոր Մարտիրոսյանը Aysor.am-ի թղթակցի հետ զրույցում տեղեկացրեց, որ երկու օր առաջ Արդարադատության նախարարությունում հանդիպել է փոխնախարար Վիգեն Քոչարյանի հետ և մանրամասներ իմացել Հրաչյայի գործի վերաբերյալ։
«Եղել եմ Քոչարյանի մոտ, նստել, ահագին զրույց ենք արել։ Նա ինձ բացատրեց, թե ինչ աշխատանքներ են կատարել Հրաչյա Հարությունյանին Հայաստան վերադարձնելու համար և բացատրեց, որ Հրաչյային տեղափոխելու հիմնական խնդիրը՝ վթարից տուժած անձանց ֆինանսավորումն է եղել և այդ հարցը լուծված է», - ասաց Մարտիրոսյանը։
Նրա խոսքով՝ պաշտոնյաներն իրեն փոխանցել են, որ Հրաչյա Հարությունյանը 20 օրից կամ ամենաուշը երկու ամսից կտեղափոխվի Հայաստան։ Ինչ վերաբերում է գումարին, ապա Մարտիրոսյանի խոսքով, 18 մլն ռուբլին փոխանցել են բարերարներ, որոնց անունները նույնիսկ իրենք չգիտեն։ Ասաց նաև, որ իրենց մեծ հաշվով չի հետաքրքրում՝ ովքեր են գումարը փոխանցողները. «Աստված թող իրանց օգնի»։
Ամբողջական հոդվածը կարող եք կարդալ այստեղ
