Ա.Գ. Առաջգրություն: Քիչ առաջ խոսեցին իմ լավատեղյակ աբյուրների հետ. նրանք այն կարծիքին են, որ Սերժ Սարգսյանը չի համաձայնի ո՛չ արտահերթ ընտրությունների և ո՛չ էլ այդքան պաշտոններ կտա Րաֆֆուն. տա, որ ի՞նչ, հարցնում էին իմ լավատեղյակներն ինձ: Ես բացատրում էի. կա ժողովրդի ռեալ դժգոհություն, փոփոխությունների սպասում, իրական էսկալյացիա, բախումների հեռանկար, դիմացն էլ ընտրություններ են:
Լավատեղյակներս ինձ հակաճառում էին նույն «գիտականությամբ»` բացառում ենք:
Առաջարկեցին` գրազ:
Ասեմ, որ նա այն նույն մարդն էր, որ ինձ էն անգամ ԲՀԿ-ի ժամանակ կրել էր: Գրազ չեկա:
Խոսակցությունն էլ էս նյութի շուրջ էր:
---
Փաստորեն:
Րաֆֆին ներկայացրեց իր առաջարկները:
Եթե կարճ, եթե անտեսենք` արտահերթ խորհրդարանական ընտրությունների պահը, ապա մնացյալը կարելի է ձեւակերպել շատ կարճ` կոալիցիա:
Հինգ մարզպետով, երկու «ուժայինով» (դատախազ. «քաղաքապետ» Արմեն Մարտիրոսյանն ինչպե՞ս է իրեն զգում Աղվան Գառնիկիչի հրաժարականին դեմ հանդիման.ճ) եւ Ազգային անվտանգության ծառայություն (էս մեկը կտա՞ արեւմուտքին Սերժ Սարգսյանը. հաստատ` չէ, չնայած մի շատ նուրբ հարց կա, կարող են պայմանավորվել անձի շուրջ, որը երկու կողմերին է ձեռք կտա (ԱԳՆ) սա արդեն Րաֆֆին իր համար է ուզում), ԿԳ նախարարություն (էստեղ արդեն ՀՀԿ-ն անելիք ունի, Արմեն Աշոտյանի մասով. նրան կտան կամ Բրիտանիայի դեսպանի ոսկե աթոռը եւ կամ ԱԺ նախագահի ապագա պորտֆելը), արդարադատությունն ու վերահսկիչ «ծառայություններն» էլ Րաֆֆին կնվիրաբերի ՀՅԴ-ին:
Ասել է` այսքան մասով մասամբ իրագործելի առաջարկներ են` երեսունյոթ տոկոս ստացած թեկնածուի դեպքում:
Մնում է գերան հարցը: Արտահերթ խորհրդարանական ընտրություններ:
Ի՞նչ է ասում այս առնչությամբ Սահմանադրությունը` մեկ տարվա կտրվածքով:
Չգիտեմ: Մանավանդ որ, խոհրդարանական կառավարումը Սերժ Սարգսյանին նույնպես հետաքրքիր կլինի:
Սակայն իմ մտքի բազարը, կարող է եւ աշխատող չլինել իշխանության իսկական բազարում:
Սպասենք Սերժի արձագանքին:
Այնուհանդերձ, առաջարկները շատ «ռոմանտիկ» չէին, կարող են եւ պայմանավորվել:
