Վրաստանի նախագահը մարտին կայցելի Ադրբեջան

Barometer.am-ը գրում է.

Վրաստանի նախագահ Գեորգի Մարգվելաշվիլին մարտի 16-17-ին կայցելի Ադրբեջան՝ Բաքվի 5-րդ համաշխարհային համաժողովին մասնակցելու նպատակով, հաղորդում է ԱՊԱ գործակալությունը:

Համաժողովի շրջանակում սպասվում է Գեորգի Մարգվելաշվիլիի ելույթն "Արտաքին կապերի ապագան" նիստի ժամանակ: Նախատեսված է, որ նիստին ելույթներով հանդես են գալու նաև Լատվիայի, Մակեդոնիայի, Ալբանիայի, Մոնտենեգրոյի ու այլ երկրների նախագահներ:

Միջոցառմանը քննարկվելու են տրանսատլանտյան հարաբերությունների ապագայի, ահաբեկչության դեմ պայքարի, միջազգային հարաբերություններում Չինաստանի դերի, Եվրոպայի ապագայի, միջազգային անվտանգության համար ծայրահեղականության սպառնալիքների հետ կապված հարցեր: