Ռուսական «Интерфакс» լրատվական գործակալության փոխանցմամբ՝ Մոսկվայում ոստիկանությունը ձերբակալել է «օրենքով գող» Լաշա Նիժարաձեին, ով առավել է հայտնի է «Լաշա Ցխալտուբսկի» մականունով:
Ձերբակալման ժամանակ քրեական հեղինակության մոտ հայտնաբերվել է 17 գրամ հաշիշ: Ձերբակալումից անմիջապես հետո դատարանը կալանքի տակ է վերցրել «օրենքով գողին»: Ավելի վաղ Լաշան թմրանյութեր պահելու համար դատապարտվել է 6 տարվա ազատազրկման:
Նշվում է, որ Լաշա Ցխալտուբսկին հանդիսանում է հանգուցյալ «օրենքով գող» Ասլան Ուսոյանի (Դեդ Հասան) թշնամի և ոչ վաղ անցյալում թմրանյութեր պահելու համար ձերբակալված քրեական հեղինակություն Ջեմո Միկելաձեի կողմնակից: Ենթադրվում է, որ նա մասնակցել է 2012 թվականի դեկտեմբերին ԱՄԷ-ում տեղի ունեցած խոշոր «սխոդկային», որում «թագադրել» են 16 նոր «օրենքով գողի»:
Նյութի աղբյուր՝ http://lragrox.blogspot.com/2013/03/blog-post_11.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
