2011-2014 թվականներին Հայաստանում ԱՄՆ դեսպան աշխատած Ջոն Հեֆերնը ստանձնել է Եվրոպայի և Եվրասիայի հարցերով Միացյալ նահանգների պետքարտուղարի օգնականի պաշտոնը։ Այս մասին հաղորդում է ԱՄՆ պետքարտուղարության կայքը։
Ավելի վաղ հաղորդել էինք այն մասին, որ Եվրոպայի և Եվրասիայի հարցերով ԱՄՆ պետքարտուղարի օգնական Վիկտորիա Նուլանդը լքել է պաշտոնը։ Բացի Նուլանդից պաշտոնից հեռացել են նաև պետքարտուղարի օգնականներ Ջոյս Բարը, Միշել Բոնդը, պետքարտուղարի տեղակալ Պատրիկ Քենեդին։
Ներկայում ԱՄՆ պետքարտուղարի պարտականությունները ժամանակավորապես ստանձնել է պետդեպարտամենտի նախկին ղեկավար Ջոն Քերիի տեղակալ Թոմաս Շենոնը։ ԱՄՆ նախագահ Դոնալդ Թրամփը այս պաշտոնի համար առաջարկել է Ռեքս Թիլերսոնին, որի թեկնածությունը Սենատը դեռևս չի հաստատել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
