Barometer.am-ը գրում է.
ՀՀ ԱԺ փոխնախագահ Էդուարդ Շարմազանովը հունվարի 11-ին Թեհրանի ազգային առաջնորդարանում հանդիպել է Թեհրանի հայոց թեմի առաջնորդ Սեպուհ արքեպիսկոպոս Սարգսյանի հետ: Հանդիպման ընթացքում զրուցակիցները կարևորել են Հայ Առաքելական Եկեղեցու բացառիկ դերակատարումը հայապահպանության, հոգևոր, բարոյական և ազգային արժեքների պահպանման ու տարածման գործում: Այս մասին տեղեկանում ենք ՀՀ ԱԺ լրատվական ծառայությունից:
ՀՀ ԱԺ փոխնախագահն իր խոսքում նշել է. "Բացառիկ է Հայ Առաքելական Սուրբ Եկեղեցու դերակատարումը հայ ժողովրդի և մասնավորապես իրանահայության կյանքում: Այսօր մարտահրավերներով լի աշխարհում մենք պետք է հավատարիմ մնանք մեր հոգևոր և ազգային արժեքներին":
Հանդիպման ընթացքում զրուցակիցները կարևորել են Հայաստանի Հանրապետություն-Սփյուռք-Արցախ եռամիասնության ամրապնդումը:
