Կան բաներ Հայաստանում, որոնք պետությունը հատուկ օրենքներով հատկացրել է ինչ-որ կատեգորիայի մարդկանց։ Ասենք, օրինակ՝ կենսաթոշակը, աղքատության նպաստը, պետպատվերով բուժումը, հաշմանդամության թոշակը և նմանատիպ այլ վճարումներ։ Երբ այդ վճարումների համար համապատասխան քաղաքացին դիմում է, որ ստանա, այստեղ սկսվում է քաղաքացու և այդ համապատասխան հիմնարկի չինովնիկի մենամարտը։ Չինովնիկը համոզված է, որ քաղաքացուն ինքը անձամբ իր սեփական գրպանից է տալիս նրան հասանելիքը, որը իրականում պետությունն է հատկացրել։ Եվ այդ անպատկառ չինովնիկը սկսում է քաղաքացուն ահաբեկել զանազան ձևերով, որպեսզի նրանից կաշառք կորզի։ Լկտի, լպիրշ ու նենգ այդ որդը քաղաքացուն այնքան է տանում-բերում, մինչև քաղաքացին զզված ասի՝ առ, կեր այս գումարը, մենակ թե իմ հասանելիքը ինձ տուր։ Ցանկացած հարցով եթե քաղաքացին դիմում է պետության չինովնիկին, չինովնիկը առանց կաշառքի երբեք ու ոչ մի անգամ հարցին դրական լուծում չի տալիս։ Սա համատարած երևույթ է, ու բացառությունները սրանից համարյա բացառված բաներ են։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
