Այ քեզ բա՜ն: Ոմանք վիրավորված են, որ Արսինե Խանջյանը, Սերժ Թանկյանը և Ատոմ Էգոյանը ցանկանում են խառնվել Հայաստանի ներքաղաքական կյանքին՝ նախաձեռնելով «Արդարություն հանուն Հայաստան»-ի ստորագրահավաքը: Մտադրությունն ազնիվ է՝ որպես դիտորդ ներկա գտնվել գալիք խորհրդարանի ընտրությանը՝ այդ կերպ կանխելով զեղծումները: Թանկյանը հստակ ասում է. «Մենք միշտ ֆինանսապես օգնել ենք Հայաստանին, բայց ցավալին այն է, որ մեզ թույլ չեն տվել խառնվել հայաստանյան կյանքին առնչվող հարցերին»: Վա՞տ է: Թե՞ չգիտեք, որ մեր՝ ճահիճն ընկղմվելը պայմանավորված է ԱՆԱՐԴԱՐ ընտրություններով, որ այդ կռվում ուժերն անհավասար են: Մեկն ասում է՝ Արսինեին հուլիսյան դեպքերի ժամանակ ոստիկանները հրմշտել են, մուռն է հանում: Մյուսը՝ իրենց փիառն են ապահովում: Երրորդը նույնիսկ հինգ հազար դրամ վերցնողին է արդարացնում՝գերադասելով հայաստանցուն օգնել կամեցողից…
Մերժում եք պարզված ձեռքը, առաջին իսկ օրից փակում դարպասները: Վաղը ցույց էլ կկազմակերպեք, կգնաք օդանավակայան էլ՝ կանխելու ձեր հայրենակցի էջքը: Գուցե մահակներով էլ զինվեք, սնայպերներ կանգնեցնեք ճամփեքին, ինչպես եղավ ԲԵՐՁՈՐՈՒՄ… Այն ժամանակ Շարմազանովի մակարդակով արդարանում էին՝ ի՞նչ գործ ունեն Արցախի հետ, անկախ պետություն է…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել